Seoul Noodles (新禧大樓)

营业中

休息中

社交媒体网站经常都有foodie推介呢间韩国刀削面，睇啲相几吸引好似几好味，所以就去咗试。当时傍晚六点左右唔需要排队直接入，冇几耐就超多人排队，因为好多人食，餐厅到门系咁开系咁闩走晒啲冷气。本身间餐厅冷气已经开得唔够唔通风，啲位又迫，基本上同隔离嘅人冇咩距离，就连斟水都要好小心，成餐饭就同人逼住好辛苦咁样食，夏天去食会热到爆。嘢食方面，我哋叫咗两个套餐，牛骨汤面同鸡汤面，牛骨汤面系冇咩味，鸡汤面会比较好食，起码有鸡汤嘅鲜味。餐厅嘅配菜都一般，只系得泡菜同萝卜，本身以为韩国人开嘅餐厅泡菜应该都唔会难食，呢间泡菜系我食过最难食嘅泡菜，味道有啲怪，成餐饭最正常就系紫菜饭卷。唔会推荐呢间餐厅亦都唔会回头，如果唔洗排队都可以试吓，要排队就不了。