乃良咖啡 (已結業)

乃良本来系我屋企附近最钟意去嘅Cafe。基本上我叫过嘅嘢都好好食，feel 到厨师好有Heart 去做。今日再去发现转咗menu，多咗啲台式卤肉饭，中式小食。再入去见到厨房转咗人，问佢哋就话间铺冇转手只系转咗menu所以本来都冇咩期望。但系嘢食到咗之后变左完全失望。All day breakfast 嘅炒蛋变咗茶餐厅奄列样嘅蛋，焗番茄变咗白烚就咁切开放上碟，大啡菇里面炒嘅菇碎又超咸，两条肠好明显系为咗悭时间开边求其煎两下上碟。叫个黑松露扁意粉冇应有嘅味之余仲要煮太熟有港式意粉口感…唯一同以前冇咩分别嘅系两杯coffee. 我建议如果新厨师系比较擅长台菜中菜的话不如完全转型做卤肉饭x咖啡…唔好将以前上手做得好嘅西式menu做得咁差。