奇香冰室 (已易手) 新餐厅

难得今日返九五时间，中午时段到了胜利道品尝及怀缅一下昔日的茄酱牛肉意粉，未到如以往一样，当日仲见到有顾客从美国返港第一时间就系去呢度食嘢！真系一大班熟客！当天系平日，个场已经满咗，又有学生等紧，可能就系因为熟客多，我叫左嘅意粉要等到我朋友差唔多食完，再要我三催四请先至有我嘅意粉上枱，佢将啲意粉首先俾咗啲熟客食先，最后先轮到我！ 唉！作为一个打工仔嘅我，食饭时间只有1小时，包括来回我都冇咗好多时间，所以如果真系去呢度食嘢你要有充足嘅时间可以慢慢食先好呀！我就要好急咁样食完啰！而我朋友系第一次去食嘅，我问佢好唔好食，佢话好好食！因为呢啲就系香港式的意大利粉，就好似你呀妈妈煮嘅意粉一样，充满咗感情！佢嘅肉酱意粉底系由茄膏整嘅，所以同我地细细个食𠮶啲意粉系一模一样架！呢个茄酱意粉差唔多每枱都会叫㗎！唔似而家真系可以喺香港食到嘅正宗意大利粉！所以当你再食呢一个意粉嘅时候，你就会有家的感觉同埋好有亲切咁！不过，真系有啲肥腻㗎 ，日日食唔系好掂！