東江大飯店

营业中

休息中

星期六晚，因为老人家突然话好想食下东江嘅野，所以就一行人去食，东江系一间系荃湾嘅老字号，已经营业左好多个十年，入面装修都仲保留住怀旧嘅装饰，一入到去就好似穿越左时空咁。我挛细个开始已经跟屋企人黎呢度食饭，每次食返呢d旧式酒家真系好怀念想当年嘅情景。盐焗鸡一只：鸡好盐香，皮够滑，唯一美中不足系太鞋。炒三鲜：我爷爷就中意嘅小菜，有牛骨髓，牛骨髓好似依家好少酒家有，牛骨髓平身冇味但连埋汁料一齐食就刚好，好味。菜芯炒牛丸：呢道菜系我爸爸每次黎食都会叫嘅，因为佢话会令佢谂起童年时食嘅𩠌。牛丸牛味够重，菜芯亦都够鲜甜 。炸酿豆腐：够香脆，入面嘅肉调味亦刚好，小朋友食到停唔到口。白果猪肚汤：好香白果味，亦都而好多猪肚系入面，够足料！但就系咸左少少不过都接受到。咕噜肉：够脆，汁唔会话好稀，好多菠萝，肉够入味，又够镬气。同场加影：好耐冇见过酒家有荞头做前菜！好怀旧，我记得细个时我屋企人成日迫我试食，但我就觉得好臭！不过唯一系呢度食唔好嘅就系太迫了，舖位有限。坐就未必会舒服。