上海榮華川菜館

营业中

休息中

去完观塘运动场打羽毛球， 系附近见到有家生意几旺，不断有食客进出嘅上海菜馆， 哗，原来呢家「上海荣华川菜馆」系始于1975年，唔怪得装潢咁怀旧啦！ 仲要曾经两度入选米芝莲指南优质推介食府， 就尽管试下啦！😏 我地叫左个二人套餐（$206）， 包一款汤、两款小菜、两客白饭、两盅八宝茶，都算经济实惠。 酸辣汤 配料十足，有豆腐、笋丝、云耳等， 微酸少辣，几惹味！ 溜肥肠 肥肠好入味，入口焦脆，口感软嫩 ， 配上尖椒一起炒，微辣惹味！ 回锅肉 连皮嘅五花腩经过彻底油爆之后， 食落唔会太油腻， 送饭一流！👍🏻 担担面 用左自家制嘅花生酱、麻酱和醋，酸香味美～ 最后来一杯用料十足嘅八宝茶， 有菊花、杞子、莲子芯、果皮、胖大海、龙眼肉， 味道清甜可口。