新新酒樓

营业中

休息中

今晚外父生日，一家同佢去咗新新酒楼食生日饭，分别叫咗怀旧金钱鸡、金银蛋苋菜、片皮鸭、清蒸鲍鱼、虾多士、砵仔焗鱼肠、杏汁猪肺汤、茏仔荷香姜米蟹蒸饭。先讲怀旧金钱鸡，第一次食呢味𩠌，面层系蜜汁叉烧、中间好似系猪油、然后再夹住块猪膶。食落去几香口，同埋咁样食猪膶，个味同平时唔同，感觉变得有啲似鹅肝。金银蛋苋菜就无咩特别，正常。片皮鸭亦都唔算太突出，同埋啲鸭肉有啲韧，不过就几多鸭同薄饼。清蒸鲍鱼亦都普通，同埋觉得蒸得耐咗啲，鲍鱼亦都系有啲韧，同埋无咩味。到碟虾多士，上碟时都仲热辣辣，同埋只虾好香，件多士亦好松脆，唔会太油，干干地身，几好食。砵仔焗鱼肠亦唔腥，同埋几多鱼肠喺入面，入面啲油炸鬼亦都唔淋，同一般出面食到𠮶啲都几唔同。杏汁猪肺汤亦几香，饮落去几清甜。最正系茏仔荷香姜米蟹蒸饭，本身一望落去啲饭白雪雪，以为会无咩味，点知食落去啲饭吸咗啲蟹味，同埋有啲蟹黄，而且个饭有啲怀疑系猪油，食落去好香，好正，正到一之次连食三碗。虽然啲𩠌菜整体唔错，但有一样嘢觉得间酒楼需要改善，就系冷气，成间酒楼热到好似无冷气咁，成餐饭都要开住把手提风扇，如果唔系实出晒汗。同埋临走前去洗手间，发现洗手间入面啲冷气系超冻