太平館餐廳

营业中

休息中

被巨大梳乎厘吸引进来！香港有这类的中式梳乎厘愈来愈少了。一进店感觉怀旧得嚟有种高级格调，环境舒适，位与位之间算是阔落，坐得舒服。海龙皇汤，几香海鲜味，但略嫌有点咸。瑞士鸡翼煮得唔算入味，但胜在鸡肉嫩滑，个汁仲可以点其他配菜食。炒杂菜味道正常。干炒牛河，普通茶餐厅味道，唔够镬气。乳鸽，皮脆肉嫩，有阵烟熏味。牛脷，虽然卖相一般，但口感和味道都非常好，厚身口感软熟，味道香和牛味重。法国蜗牛焗猪扒意粉，味道ok，但冇咩蜗牛味，猪扒几厚身，味道唔错，不过不失。梳乎厘，差唔多每枱都必点，一来到就好香鸡蛋味，表皮有啲香焦味，里面非常软绵，但略嫌太甜。雪糕正常维记味道。