蓮香居 (已結業)

夏日炎炎，想同朋友饮下茶，叹下点心，就黎到呢间怀旧茶楼喇！下午两点几嚟到呢到，上去二楼，平日呢啲时间黎到即时有位啦🤙🏻 首先叫左壶香片啦，水滚茶靓又解渴呀果然嚟饮茶梗系要食点心啦，呢到仲有阿姐推点心车架～实在好怀旧呀叫左棉花鸡，虾饺，瑶柱烧卖，猪膶烧卖，金钱鸡，叉烧包，仲有时令既虾子柚皮棉花鸡呀虾饺呀都不过不失啦，叉烧包都几香又松软架！瑶柱烧卖上面有啲瑶柱丝，食落口有淡淡既瑶柱香，烧卖口感香软猪膶烧卖卖相就一pat野咁，不过猪膶就林而有膶香，肉味鲜软！金钱鸡呢个名菜就紧系要试一试啦，呢碟最紧要趁热食呀！如果唔系啲猪油就会琼晒架喇！上层系鸡肝中间瘦叉烧下层系肥猪肉，一口咬落去有三层口感，肥猪肉爽口，油而不腻，叉烧香而不韧，鸡肝都好松软，值得一试压轴就系虾子柚皮，香软林林既柚子皮配上虾子香味既汁，够入味....系个人觉得稍为咸左少少啦整体都唔错丫，下午茶同朋友黎呢到吹吹水都几好架！三个人食左三百蚊到啦～算系咁喇！