紫荊閣海鮮酒家 (已結業)

跟太座一家来个晚饭，主要在order几个怀旧菜食食...自己今次已经系第二次来访，反而太座竟然来得比我多，少见...上次冇食过嘅烧鸡肝，今次可以试吓。质地颇"粉"，蜜味够，实在系送酒恩物，不期然大口大口啤酒送下...再来个怀旧之作鸭掌包。各位食家已阐述过，在此不加赘述。是夜食到嘅水准亦可保持，只称嫌酱涂得不够，不够过瘾...第三击亦系之前未有试过嘅焗鱼肠。一试下觉得相当不错--- 鱼肠肥美带甘味，一D异味都食唔出，油水亦够，虽然鸡蛋有一点过老，但整体水准绝对吃得过，比从前嘅神灯及深水埗排档强记都要更出色...生炒骨肉不算炸得特别香脆，亦做不到挂酱效果，不够水准...其余嘅水准都尚算平均...始终做怀旧菜，对小弟而言，都系有一定吸引力。价钱又不太贵，总好过浪费时间响D下三流嘅酒家...