香江茶餐廳 (已結業)

今日放假去柴湾整车，女朋友话呢条邨好靓，系佢最钟意既pinkpink颜色，所以咪过黎影下伪文青相、望下啰。影到咁上下就揾个地方医肚，呢间茶餐厅外观好有feel，个名好似会考题目既餐厅咁，见落雨又废事周围揾就入去食左餐不错既午餐。嗌左个茄汁焗鸡扒饭同一杯冻柠茶，盛惠43蚊。茄酱系好传统既茶餐厅茄汁，鸡扒先剪再焗，肉嫰多汁，认真不错。饭底虽然无炒底，但都焗到好干身，捞埋个汁，差唔多成碟食哂。杯茶方面，茶底几好，柠都多新鲜同唔孤寒，美中不足既系用胶杯，扣分!!食完停哂雨，雨过天青，望住呢条香港硕果仅存既，既开扬空气又好既旧式公共屋邨，同身后呢间传统旧式茶餐厅，慨叹呢D既旧式，又舒服既地方系香港真系买少见少。