女人街食飯公司

营业中

休息中

留意到通菜街里面其实好多食市，今日去开旺角决定揾间试下，行经见到威达商业大厦，见到一间几有特式既饭店叫“女人街食饭公司”决定入去试下。大排档既装修，怀旧既布置，好似去返80年代既饭店，巧有Feel。菜式多选择，望下隔离枱碟碟都唔错，我地谂咗好耐先落到单，落单个姐姐都好好人。屋村三鲜 （生肠、鸭肾和墨鱼）$78 - 好怀旧既感觉，三样野口感都好爽，个豉油明显经师傅秘方调过，送酒必食推介。晚市必食三宝 $468 - 有半只招牌瑶柱走地鸡、啫啫老虎班腩煲和金沙脆鲜鱿。走地鸡超滑，有瑶柱碎及香口蒜粒，食落口感唔错，仲配有泰式辣酱可以点，有多重口味既食法。老虎班煲就有大大只虾干同蒜粒，超香口。上枱热辣辣，老虎班嫰滑，好食。金沙脆鲜鱿其实系黄金鲜鱿，有咸蛋加持，特别好食。炸浆仲好薄，唔会成口粉浆，炸得好脆，外脆内软。士多啤梨骨$108 - 酱汁沾满腩排，酸酸甜甜系几开胃既。清炒时蔬$78 - 多种蔬菜选择，落单姐姐会推介，我地叫咗蒜蓉通菜，都好够镬气，师傅炒得唔错。