水手有限公司(快餐店)

营业中

休息中

「水手」以前叫「大力水手快餐店」，据了解因为版权问题后来改名叫「水手快餐店」，直到现时招牌写住「水手有限公司（快餐店）」。但食物、装潢仍然系维持传统港式快餐店风格，先去收银处俾现金，再行去counter等攞食物。间嘢我几年前食过，最近咁啱要去石硖尾邨，于是就嚟食下。铁板牛肉炒面块铁板够热，份量十足，牛肉份量亦唔少。以往呢份餐喺连锁快餐店都几普遍，但系而家已经买少见少。整体几开胃，亦够饱肚。大力水手饭，一开始喺墙上面个餐牌见到咁嘅名都唔知系乜嘢食物，咁就叫嚟试下。之后先发现原来系「太阳蛋杂扒饭」，亦都衬托「大力」嘅名称，饭嘅份量十足，如果胃口细嘅话可以考虑叫少饭。黑椒汁系传统茶餐厅味道，猪扒、鸡扒都唔失礼，有嚼口。