大公雞 (已結業)

近排屋企附近开咗一栋新嘅商场，为呢个社区嘅居民增加咗唔少嘅美食选择，所以我都特登行咗一转，睇下有咩好食，除咗一系列嘅连锁餐厅之外，仲有呢间台式餐厅。因为都算系位于工厂区附近，所以星期六嘅晏昼少咗啲打工仔系到食饭，唔洗等就已经有位喇先黎系一啲小食，分别有台湾小香肠同花枝丸。台湾小香肠就紧系好食啦，仲配埋微微炒香嘅蒜片，味道特别惹味，有少少辣嘅蒜片刺激味蕾，会食到上瘾~ 而花枝丸姐系墨鱼丸再炸香咗，味道无咩大问题，不过由于炸过嘅关系，所以会感觉比较油腻，另外有配上泰式辣酱，都可以稍稍中和下腻感之后就有盐酥鸡鲁肉饭，炸香几脆嘅盐酥鸡粒，配上一碗鲁肉饭，鲁肉饭嘅味道唔会太咸，但系肉碎同汁就得表面先有，下面嘅白饭就沾唔到肉汁，而鸡粒都尚算嫩嘅，口感唔错最后就紧系要黎番一碗台湾红烧牛肉面啦，其实红烧应该会系辣嘅，不过佢就系唔辣嘅，个人几钟意微微粗身嘅台湾面，少少弹牙，又可以吸收到啲汤汁，而牛肉就有淡淡牛肉香，仲唔会好韧、好难咬开咁，略厌汤底味道有少少偏咸，但系还可以接受啦~