金凱小廚 (已結業)

今日又去咗大围揾朋友，之后佢诚意推介呢间位于美林商场附近嘅平价任食鸡煲串烧。先上咗一盘鸡煲，鸡件份量好足，而且好入味😋😋加入左芫荽同埋洋葱片，令成个香气更浓。特别讃佢咸度啱啱好（平时食鸡煲都会比较咸）食完鸡煲之后就可以进入打边炉嘅环节，汤底叫咗个比较清嘅：花胶鸡汤，汤头都几清甜，而且真系有花胶片同杞子肉，率先饮返两啖再落料！餐厅提供咗肉类、海鲜、面食、多种锅物，款式都几多，安格斯肩胛牛肉唔会好肥，而且冇咩雪味，食落都几软嫩。另外鱼皮非常脆口，再点埋腐皮，生根呢类比较索汤汁嘅嘢食，真系食到我同朋友舔舔脷啊😗😗而套餐亦都包括左串烧，每人三串，今晚叫左菠萝、五花肉、虾、扇贝、牛肉、墨鱼丸。特别推介黄金焗扇贝，滋味嘅酱汁非常浓郁，而且冇烧过火👍🏻👍🏻其他嘅调味都啱啱好，带有少少辛辣，最后配埋件菠萝就可以清一清喉咙啦🤭餐厅坐位阔落舒服，职员服务态度都很好。