老荔冰室

营业中

休息中

位于荔枝角，有一间冰室门面采用霓虹灯设计，神似戏棚元素，仲有茶餐厅耳熟能详的术语，例如「靓仔、靓女、COT、C06、儿童鸳鸯」等等。室内设有旧式酒楼常见的龙凤装置、旧戏院广告牌，充满香港怀旧情怀。沙嗲牛肉面🍜牛肉份量多，味道偏甜、有少少麻辣味，配上沙嗲味，成碗面嗦晒啲汁，好惹味。金沙朱古力流心西多士🍞邪恶之选，西多士上面舖咗一层朱古力脆脆、淋上朱古力酱，将西多士切开后，入面都有满满嘅朱古力酱。沙嗲牛肉炒蛋热香饼汉堡🥞冇谂过原来热香饼可以加入沙嗲牛肉㗎，一层热香饼夹住芝士🧀，一层再夹牛肉，牛肉嘅汁非常Juicy，味道真系唔错。滑蛋叉烧饭🍛鸡蛋🍳加上叉烧，一啖饭一啖叉烧，绝对系下饭之选。阿华田脆脆🥤满满嘅阿华田脆脆，先用汤匙笔啲脆脆食，再饮杯阿华田，又系一杯邪恶嘅饮品😆椰汁红豆冰🥤绝对系真材实料，加咗好多红豆，椰汁冇沟水，一直对红豆冰有情意结🩷细个去亲冰室都一定嗌黎饮☺️杂果宾治🍹颜色分明，加入咗好多水果，饮完真系透心凉💜