老闆火鍋冰室

营业中

休息中

天气凉凉地，最啱就系打边炉，一讲到打边炉，我同老公第一时间都系谂起鸡煲⋯今次嚟到呢间老板火锅冰室，餐厅设计主打老香港情怀，墙上挂满昔日香港嘅相&旧电影海报⋯晚市有小菜或边炉选择，我哋选择咗鸡煲+打边炉😋其实佢都几多汤底选择，而我哋就点咗半只重庆鲜辣鸡煲($128)、细安格斯牛颈脊($198)、半份墨鱼水上飘($40)、半份手打鲜虾丸($26)&大水果茶($48)。鸡煲一上枱，隔住个煲盖都闻到阵阵香气⋯过咗阵，店员会过嚟帮手将鸡件炒至均匀，微焦嘅鸡肉望落去更有食欲，再等多阵就有得食喇🤤鸡煲我哋点咗劲少辣，辣味恰到好处，好啱我哋呢啲唔系好食得辣嘅人；鸡件嫩滑，而且个酱汁味道恰到好处，配以紫洋葱、花椒、八角等各种香料⋯相当惹味。值得一赞嘅系，呢度嘅服务真系好好，服务员不时主动过嚟帮我哋换骨碟同埋加汤👍🏻食完鸡之后，服务员就帮我哋加汤开始打边炉。首先嚟嘅系手打鲜虾丸，虾丸真系好新鲜，而且好弹牙，亦好足料，好味，值得encore！之后系墨鱼水上飘，比起净系食墨鱼滑多咗一层口感，墨鱼滑打得好爽、好弹牙，唔错，都几特别。最后上枱嘅系安格斯牛颈脊，牛肉雪花分布平均，而且牛味浓郁，唔错，啱晒爱牛嘅朋友😆