金記冰室 (置富南區廣場) (已結業)

金記冰室，歷史悠久。今次去咗位於置富，其中一間分店。有大量懷舊菜式，小菜套餐，可供選擇。冰室環境光猛，座位舒適。蜜桃中式牛柳牛肉不韌，味道酸酸甜甜，非常開胃。金磚風沙炸豆腐外皮薄脆， 豆腐嫩滑，口感外脆內軟。南乳脆炸雞雞入口香脆，肉質嫩滑，加上南乳咸咸香香，非常惹味。鐵板海陸空分量十足，豬扒厚身肉嫩多汁，魚柳香脆大大件，仲有雞翼，配上薯菜，十分飽肚。奶茶茶味香濃，茶同奶嘅比例恰到好處。老火湯非常滋潤。