喜喜冰室

营业中

休息中

如果唔系朋友带我去，我都唔知铜锣湾有间咁怀旧装修嘅茶餐厅，墙上摆咗好多旧卡式带，以及挂咗多张旧嘅学校毕业相。餐牌都有好多张，而且每张嘅设计都好特别，无论图案及字体都睇得出好有创意，仲有摆放牙签及方糖嘅不锈钢容器，都好怀旧感。最特别系电视机播嘅都系好旧嘅电视或MTV片段。睇完餐牌后，就叫咗两个蛋挞、鸳鸯太极炒饭、热柠水、热柠茶及冻柠茶。蛋挞$9个，细细个好味道，一个人都可以食到两个。鸳鸯太极炒饭$96，份量都唔细，卖相及味道都唔错。总结：无论早餐、汤粉、小菜、铁板餐、中西式粉面饭都有，出前一丁仲系用日本版，难怪餐室内外都有咁多食客。