瑞士咖啡室

营业中

休息中

工厂大厦内一间设计怀旧嘅茶餐厅，呢度嘅餐牌同环境都好怀旧，啲设计都好得意又几特别。午市提供套餐，价钱$60左右，食物品种多，有焗饭又有炒饭，也有港式茶餐厅一般都有得食嘅嘢，所以选择好多。鲜茄焗芝士猪扒意粉$60卖相好靓，而且好大碟，猪扒劲厚又大块，芝士好多非常之正，热辣辣新鲜出炉嘅焗饭非常之好食，分量多但系全部都食得晒，真系超饱又满足。喇沙带子虾球炒饭$60炒饭唔算多油，食落口饭粒好爽，炒得够干身，喇沙味香浓，带子份量都好多，质地都唔错好食。冻朱古力奶$10好耐冇饮呢啲玻璃樽装嘅朱古力奶，今日再次饮返，只需要加$10 ，好抵。