老厝邊

营业中

休息中

一直都好想试吓呢间老厝边，今日收工之后，相约咗朋友去到铜锣湾分店食饭，展开台湾美食之旅嘅短暂快乐。首先我同呢位朋友仔本身都一样几钟意台湾美食，呢一间老厝边比我哋嘅感觉都唔错。老厝边有种怀旧感，佢哋系做古早味台湾菜，所以餐牌上有多种招牌小食拣，而且台饮都有好多款可以拣。起司肉松蛋饼 起司肉松系招牌口味，招牌果然系招牌！蛋饼系微脆偏烟韧，即系台湾人口中嘅Q弹 去形容，必食！而蛋饼酱汁系秘制，非一般酱油膏，仲有蒜香同微弱香辣感，就好似特浓卤味。卤肉饭(大)份量十足嘅卤肉饭，每一啖都食到香浓嘅卤肉，卤肉入口即溶，而且每啖饭满满都系油香味！牛肉＋香葱油干拌面牛筋焖得好入味，肉质一啲都唔韧，非常容易咬！正！葱油香气扑鼻，拌面并唔油腻。加入生菜令拌面口感更清新。好呷炸物拼盘4款滋味炸物小食，香气十足！包括有花枝丸、甜不辣、四季豆及玉米笋，爽、脆、弹牙嘅口感全部到齐，个人特吃喜欢花枝丸&甜不辣，呢两种入口都非常有Q弹口感。