影片
更多
2018-02-25
648 浏览
老夫子过农历新年前，我系度碌Facebook见到坚多饮食资讯推介（包括OpenRice），系咁比佢哋炸我啲page。原来老夫子系元朗开咗间新店，搞到我呢个老夫子迷心都痒嘛，好想去见一下老夫子，大番薯，陈先生等等⋯⋯又好想睇下好耐冇睇过嘅＂耐人寻味＂啊。此老夫子餐厅位于形点二期。虽然形点二期唔系好大，但是你要揾一间餐厅都真是不容易。如果你唔熟识形点，你就要第一时间去揾呢个电子显示屏，佢可以帮你book位，教你点揾你想去的餐厅，算几方便。一去到老夫子门口，已经见到好多人，超多人系度等位，好彩我用咗电子显示屏留咗位，所以唔使等好耐就有位了。餐厅外面同里面都非常有老夫子特色，爱怀旧嘅你应该会喜欢。在等位嘅时候，发现老夫子同大番薯其实已经企系外面等紧同你影相啰。呵呵呵⋯⋯⋯餐厅餐牌设计得好靓，有好多不同种类嘅食物，搞到我有啲眼花撩乱啊⋯⋯⋯好彩，老夫子都好花心思，第一版就介绍咗十大推介，我呢啲有选择困难症嘅人当然信晒佢，睇住来落单啦⋯⋯heee五花八门，即是美式什扒，见到个样已经好想食，不过，新年期间食肉太多，所以睇下有冇小啲肉嘅铁板餐，发现有个＂香煎鸡扒拼吉列炸虾＂，心里即时讲咗：仲唔系你⋯⋯
过农历新年前，我系度碌Facebook见到坚多饮食资讯推介（包括OpenRice），系咁比佢哋炸我啲page。原来老夫子系元朗开咗间新店，搞到我呢个老夫子迷心都痒嘛，好想去见一下老夫子，大番薯，陈先生等等⋯⋯又好想睇下好耐冇睇过嘅＂耐人寻味＂啊。
此老夫子餐厅位于形点二期。虽然形点二期唔系好大，但是你要揾一间餐厅都真是不容易。如果你唔熟识形点，你就要第一时间去揾呢个电子显示屏，佢可以帮你book位，教你点揾你想去的餐厅，算几方便。
一去到老夫子门口，已经见到好多人，超多人系度等位，好彩我用咗电子显示屏留咗位，所以唔使等好耐就有位了。餐厅外面同里面都非常有老夫子特色，爱怀旧嘅你应该会喜欢。在等位嘅时候，发现老夫子同大番薯其实已经企系外面等紧同你影相啰。呵呵呵⋯⋯⋯
餐厅餐牌设计得好靓，有好多不同种类嘅食物，搞到我有啲眼花撩乱啊⋯⋯⋯好彩，老夫子都好花心思，第一版就介绍咗十大推介，我呢啲有选择困难症嘅人当然信晒佢，睇住来落单啦⋯⋯heee
五花八门，即是美式什扒，见到个样已经好想食，不过，新年期间食肉太多，所以睇下有冇小啲肉嘅铁板餐，发现有个＂香煎鸡扒拼吉列炸虾＂，心里即时讲咗：仲唔系你⋯⋯
鸡扒，原来餐厅好好，佢哋系用鸡肶变成鸡扒比你食，冇骨的，即是佢哋用全只鸡最滑嘅部分做成鸡扒，好正啊⋯⋯鸡扒肉滑，软熟，有鸡汁流出来，鸡皮炸到好脆口，索索声。味不咸，调味刚刚好。
炸虾，细少，虾肉软熟，炸到虾壳都非常脆口，一样系索索声，味鲜，仲有虾味。
薯块，现炸，松脆，质素高，配茄汁是绝配啊。
铁板刚刚烧热，放汁落去，仲会喳喳声。
黑椒汁，味带咸，点小小用来𩠌扒是不错的选择。
推介指数：8.5/10
胆大包天，即系忌廉沟鲜奶，系我极之想试的一款饮品。可惜，餐厅告诉我，棉花糖机坏了，未能提供。因此，我转了白雪公主，即是雪碧加云呢嗱雪糕。
雪碧是怀旧樽装雪碧，正，加上老夫漫画，怀旧feel十足啊。
云呢嗱雪糕，质地好滑，好creamy，不太甜，不错啊。
推介指数：8/10
铁板煎鸡扒拼炸虾
$85
19 浏览
0 赞好
0 留言
同上
20 浏览
0 赞好
0 留言
铁板非常热，一落汁就知
20 浏览
0 赞好
0 留言
去骨鸡肶扒
17 浏览
0 赞好
0 留言
白雪公主
$24
18 浏览
0 赞好
0 留言
张贴
