海安咖啡室 (已結業)

近年兴起好多唔同类型嘅茶餐厅，有啲玩复古主题装修、有啲就专食香滑炒蛋，但好多都有同一个特点，就系啲嘢通常都系超乎常人咁浓味，以为浓味等于好味。事实并唔应该系咁架，所以我都系钟意食传统少少嘅茶餐厅多啲。喺上环嘅呢间海安，细细间喺海边，沿路行过去一带都系海味店，喺远处望到已经有一种怀旧嘅感觉。舒服、雅致，好似返咗去旧时嘅香港咁，每阵风吹过嚟嘅系海水味，亦系人情味。如果你钟意近排一条由日本动画师制作嘅香港街境咖啡广告，咁呢度就系𠮶种Feel喇。入到店里面系空间窄窄，仲系以前好硬、方方正正𠮶种卡位，不过落街嘅唔系想像中粗粗鲁鲁嘅阿叔，而系一个后生女。今次嚟到叫咗招牌推介嘅嘢食——乜都有齐嘅小窝公仔面同埋一份碎牛炒蛋多士，另外有热奶茶同冻柠茶。嘢饮冇咩特别，小窝公仔面胜在够多料，鸭胸、午餐肉等等都齐晒，面就系普通公仔面嚟，味道不过不失，不过份量都几啱大食少少嘅人。重点嚟喇～碎牛炒蛋多士真系好正，虽然块多士烘底烘得硬咗少少，不过加埋上面软滑嘅炒蛋都可以话系多咗一种层次感；而牛肉加多葱真系好香，炒蛋唔会落得太多油搞到太腻，加埋每啖都有香、有滑、有咬口、有惹味，掂呀！绝对会再嚟食～最后仲畀我发现入面有