影片
更多
2022-10-09
4590 浏览
应该都好耐好耐无食过团餐喇，唔好话有无疫情，本身都钟意自由行，极少跟团，就算呢一、两年玩吓本地团，拣嘅都喺食自助餐或者两人、四人一枱嘅西式餐套。今次跟咗个本地团游吓港岛呢边啲特别地方，最后，就嚟到湾仔嘅「生记」食晏。 位处商厦嘅「生记」，占两层单位，一般茶客就会晌下层，我哋呢啲团体客，就安排晌上层，环境格局如啲旧式酒楼，无咩奢华装修，朴朴实实，员工都喺上年纪嘅多，颇有老店嘅感觉。 虽然店家未摘星，不过，都喺多年嘅米芝莲推介餐厅，所以，佢哋都专登放晒出嚟。之但喺，我个人揾食就从来都甚少睇「星」，都喺随意咁啦。 讲番个团餐，因为都无标明咩团体名，相信凡喺上嚟食团餐都喺呢个「怀旧粤菜体验套餐」，有汤、有小炒、有炒面及甜品。 子姜溏心皮蛋「生记」有好几样名物，差唔多嚟嘅客都会嗌，前菜嘅子姜皮蛋喺其一。粉红嘅子姜腌得酸爽唔呛喉，而皮蛋嘅溏心做得细腻，开开胃！ 金沙脆鱼皮邪恶嘅金沙脆鱼皮又喺另一名物，睇佢炸得金黄，外层沾满咸蛋黄，口感沙沙，味道咸香，胆固醇万岁；而鱼皮本身炸得香脆不腻，咬落咯咯声，更唔会有咩油「益」味。招牌黄老太靓汤即喺咩？其实喺肉排煲老黄瓜，因为已由侍应分碗上，所以，嚟到已经喺
位处商厦嘅「生记」，占两层单位，一般茶客就会晌下层，我哋呢啲团体客，就安排晌上层，环境格局如啲旧式酒楼，无咩奢华装修，朴朴实实，员工都喺上年纪嘅多，颇有老店嘅感觉。
虽然店家未摘星，不过，都喺多年嘅米芝莲推介餐厅，所以，佢哋都专登放晒出嚟。之但喺，我个人揾食就从来都甚少睇「星」，都喺随意咁啦。
讲番个团餐，因为都无标明咩团体名，相信凡喺上嚟食团餐都喺呢个「怀旧粤菜体验套餐」，有汤、有小炒、有炒面及甜品。
子姜溏心皮蛋「生记」有好几样名物，差唔多嚟嘅客都会嗌，前菜嘅子姜皮蛋喺其一。粉红嘅子姜腌得酸爽唔呛喉，而皮蛋嘅溏心做得细腻，开开胃！
金沙脆鱼皮邪恶嘅金沙脆鱼皮又喺另一名物，睇佢炸得金黄，外层沾满咸蛋黄，口感沙沙，味道咸香，胆固醇万岁；而鱼皮本身炸得香脆不腻，咬落咯咯声，更唔会有咩油「益」味。
招牌黄老太靓汤即喺咩？其实喺肉排煲老黄瓜，因为已由侍应分碗上，所以，嚟到已经喺清汤一碗，特别就无咩特别，但感觉就几老火，浓而不浊。
菠萝生炒骨无论生炒骨，还是咕咕肉，都喺粤菜经典，碟头饭嘅常客，平常不过。但呢碟生炒骨做得确喺有质素，啲甜酸酱酸香细腻，又唔呛喉，醒胃非常，而且，啲排骨肉质松化，外层仲仍有脆口感，挂满汁得嚟食到尾唔会有多余嘅酱汁剩低。
家传手刴香煎莲藕饼虽然话莲藕饼好住家，但依啲啲人都唔多晌屋企整，功夫少少多，嫌麻烦啰。莲藕饼煎得金黄均匀，先咬一口喺脆脆嘅口感，再落嚟喺松化嘅猪肉跟少少爽口嘅莲藕微粒交错，好似仲带有微微芫荽香，真有一手。
豉油皇银芽炒面个团餐本身都包白饭任装，不过，单尾都加多碟炒面。食到呢度，虽无话有咩惊喜，但都显示出师傅功夫扎实，炒面炒得均匀，带少少爽身，唔会好油，当然，银芽再多啲就更爽口。
怀旧白糖糕香雪雪嘅白糖糕，都真喺好耐无乜点食过，相信依家都好少铺头仲有整，后生一辈可能更加唔知喺乜。入口糕身好松软，带微微黏糯感，少甜。
今次嘅团餐喺卖怀旧，其实，卖传统粤菜嘅餐厅真喺卖少见少，执一间，就少一间，老实讲，今餐就无惊喜，但同枱嘅人年纪都有番咁上下，所以，对啲怀旧菜式食起嚟多份感觉。
张贴
