香港永年車仔麵茶冰廳

营业中

休息中

黎食车仔面见佢夜晚变身怀旧扒房，块绿色格仔布仲加左唔少分。即刻转軚叫左挪威三文鱼扒餐同美国顶级西冷餐，食过就知抵食夹大件！三文鱼扒超厚，自己买都未必买到咁大块。皮劲香，叫个普通洋葱汁都好好食。块西冷当然都系重量级，5成熟非常软淋juicy。原来佢地个秘制辣汁做铁板牛都好鬼夹，增加肉香又惹味！旁边放个小杂菜铁板系靓同几惊喜，香喷喷，颜色抢眼，多种类，仲有少少牛油香菇，认真丰盛！沙律有得拣！牛油果薯仔虾沙律同鸡扒咸鱼凯撒沙律都好好好食；前者每样材料都新鲜均等，尤其系唔腻嘅薯蓉：后者用咸鱼代替平时嘅烟肉，出奇地perfect match!熟虾酱通菜、韮菜猪红呢啲经典招牌野唔洗讲系必点，要好食唔系度度有。猪红够入味韮菜无渣，熟虾酱够香够咸，正到痺！成日想试下樽仔奶茶同普通冻奶茶分别，今次就知，樽仔奶茶完胜，茶味滑度浓度一定系樽仔奶茶。