東江大飯店

营业中

休息中

同家人食晚饭，一行八人想去童年时期成日去食嘅东江大饭店食盐焗鸡，但回忆中嘅味道始终系最好，食完真系有点儿失望！盐焗鸡，味道及卖想可以，但鸡皮实在太厚太肥，整得太熟，有啲鞋口！炸大肠梅菜腩肉腩肉太瘦，硬柴柴，竟然唔系用五花腩，而且啲梅菜浸得太耐，冇晒味炸虾丸虾肉太实，虾味唔够！中式牛柳阿妈话牛肉够林佢食到，亦都唔会那到冇晒味。椒丝腐乳通菜八个人食七碟𩠌，两支大啤，7碗饭，＄1000有找，算系抵食，但质素真系不及当年！话虽如此，楼下楼上全场爆满，怀旧服饰及年龄嘅伙计应接不暇。举手叫𩠌当睇唔到，加水又加唔切！放低筷子就嗱嗱声收晒啲碟，有少少赶客feel！下次再帮衬嘅意欲真系唔大。