影片
更多
2024-06-11
3489 浏览
餐厅有两层，旧式小店，难得揾到出面少有嘅菜式，有啲惊喜，今晚6人，食到捧住个肚走，人均消费都只系$200有找，虽然整体味道偏浓、咸，但真心抵食。本身想叫脆皮鸡，当晚冇货，原来啲鸡系要自然风干，天气潮湿就冇得食啦。于是叫咗京都骨，有啲惊喜，洋葱好食，个猪骨腌得好入味，腌料嘅味道同出面唔同，都好大嚿吓，仲以为一碟细细，份量系估唔到嘅大炸九肚鱼，鱼肉好滑。粉浆好脆口，不过都几咸吓，忍唔住要饮可乐冲下口呢个蝴蝶腩煲，中size, 咁大煲都系二百几蚊！出面好少有猪腩食，呢个猪腩又腍身，筋位有咬口，唔肥腻，煲底有萝卜片，再加埋个胡椒汤底，系牛腩煲嘅猪版本，咁大个女第一次食，蝴蝶腩原来是咁的。芥末牛柳粒，青瓜吸晒啲肉味，几脆几好食。牛柳系够嫩，大排档风味。见到差唔多台台都叫嘅蚝爽，我哋都有叫返碟。啲蚝一粒粒，好多蚝呀，系不惜工本嘅好多，蚝迷大满足系列。钟意食清淡嘅我都系𠮶句，几咸吓呢个坚系杂菜粉丝煲，清一色青菜加粉丝，绝无其他虾米冬菇嘅配料。估唔到出奇地好食，啲青菜好似有猪油炒过嘅香气，但又唔会有油，清清地。青菜真系好够嫩，冇渣菜。杂菜煲上嘅时候全台人已经饱咁滞，最后都清晒。系我食过最好味嘅杂菜煲，
本身想叫脆皮鸡，当晚冇货，原来啲鸡系要自然风干，天气潮湿就冇得食啦。
于是叫咗京都骨，有啲惊喜，洋葱好食，个猪骨腌得好入味，腌料嘅味道同出面唔同，都好大嚿吓，仲以为一碟细细，份量系估唔到嘅大
炸九肚鱼，鱼肉好滑。粉浆好脆口，不过都几咸吓，忍唔住要饮可乐冲下口
呢个蝴蝶腩煲，中size, 咁大煲都系二百几蚊！出面好少有猪腩食，呢个猪腩又腍身，筋位有咬口，唔肥腻，煲底有萝卜片，再加埋个胡椒汤底，系牛腩煲嘅猪版本，咁大个女第一次食，蝴蝶腩原来是咁的。
芥末牛柳粒，青瓜吸晒啲肉味，几脆几好食。牛柳系够嫩，大排档风味。
见到差唔多台台都叫嘅蚝爽，我哋都有叫返碟。啲蚝一粒粒，好多蚝呀，系不惜工本嘅好多，蚝迷大满足系列。钟意食清淡嘅我都系𠮶句，几咸吓
呢个坚系杂菜粉丝煲，清一色青菜加粉丝，绝无其他虾米冬菇嘅配料。估唔到出奇地好食，啲青菜好似有猪油炒过嘅香气，但又唔会有油，清清地。青菜真系好够嫩，冇渣菜。杂菜煲上嘅时候全台人已经饱咁滞，最后都清晒。系我食过最好味嘅杂菜煲，估唔到清心寡欲嘅杂菜煲咁好食，系今晚我最钟意嘅第一名。
豉油王炒面，估唔到系用粗嘅云吞面底炒嘅猪油渣炒面，好香喷喷，完全抢晒豉油味。但系都几油腻下。其实叫佢做猪油渣炒面更贴切
今晚带返个胃空间有限，希望下次再嚟食潮阳来不及、凉拌花甲、鹅肠。
张贴
