影片
更多
2023-04-28
2142 浏览
一直想试慈云山荣记既煲仔饭好耐，依家喺旺角开分店更就脚，同朋友仔行完街去食perfect啦！店内走怀旧玩味路线，都很贯彻食物嘅风格，既有怀旧经典煲仔饭，又有新派菜式、仲有港式茶记回忆系列小食。#炸老蛋、#老柴、#火牛 依啲名称少啲年资都未必识😆其实即系炸鱼蛋、炸肠仔、炸牛丸，但唔系一般炸熟，而系炸到过火老晒、皮皱晒，卖相真系好老干柴，但估唔到好好味㖞，个皮劲烟韧，又香口，真系好特别。#濑尿虾干 以为似食虾干，炸香左又别有一番风味㖞, 卜卜脆又咸香，送啤酒一流。必食之选有 #沙嗲煲仔牛肉出前一丁 ，上枱时仲冒住气泡热辣辣。沙嗲汤底杰杰地够浓郁，仲有好香花生酱味，辣度点到即止，牛肉片稔滑入味，小朋友都抢住食。#蟹粉煲仔肠粉🦀，好有创意既菜式。肠粉煎香后淋上甘香的大闸蟹粉献汁，食落口先有蟹粉的鲜味，再食到肠粉面层的焦脆感，内层粉糯，口感层次丰富，好特别。秘制豉汁白鳝煲仔饭 白鳝自己整太麻烦，出街食化算好多。鳝鱼切圈都几厚肉，用豉椒、姜把鱼的泥腥味完全癖走，保留白鳝独特香气，鱼肉软滑，骨唔多，饭也吸引了鱼香，底层有几靓既饭焦，加少少煲仔饭豉油，好正呀😋蒜香蚝王窝蛋牛小排煲仔饭 卖相好精致，牛小
店内走怀旧玩味路线，都很贯彻食物嘅风格，既有怀旧经典煲仔饭，又有新派菜式、仲有港式茶记回忆系列小食。
#炸老蛋、#老柴、#火牛 依啲名称少啲年资都未必识😆其实即系炸鱼蛋、炸肠仔、炸牛丸，但唔系一般炸熟，而系炸到过火老晒、皮皱晒，卖相真系好老干柴，但估唔到好好味㖞，个皮劲烟韧，又香口，真系好特别。
#濑尿虾干 以为似食虾干，炸香左又别有一番风味㖞, 卜卜脆又咸香，送啤酒一流。
必食之选有 #沙嗲煲仔牛肉出前一丁 ，上枱时仲冒住气泡热辣辣。
沙嗲汤底杰杰地够浓郁，仲有好香花生酱味，辣度点到即止，牛肉片稔滑入味，小朋友都抢住食。
#蟹粉煲仔肠粉🦀，好有创意既菜式。肠粉煎香后淋上甘香的大闸蟹粉献汁，食落口先有蟹粉的鲜味，再食到肠粉面层的焦脆感，内层粉糯，口感层次丰富，好特别。
秘制豉汁白鳝煲仔饭
白鳝自己整太麻烦，出街食化算好多。鳝鱼切圈都几厚肉，用豉椒、姜把鱼的泥腥味完全癖走，保留白鳝独特香气，鱼肉软滑，骨唔多，饭也吸引了鱼香，底层有几靓既饭焦，加少少煲仔饭豉油，好正呀😋
蒜香蚝王窝蛋牛小排煲仔饭
卖相好精致，牛小排仲铺到满满🥩，好足料，食既时候仲可自行加入蚝汁，有提鲜作用。但我觉得唔加原汁原味都一样好味，牛小排刚好熟，混合蒜粒和蛋汁，真系滑到一个点，加埋焦香既饭粒，每啖都好丰富。
张贴
