林園餐廳

营业中

休息中

再一次去富山工作，朝早想食饱个肚就开行turbo做，于是就揾咗呢间好就脚嘅餐厅食个大早餐，睇呢度嘅装修同氛围，十足十系一间冰室，再加上木皮包嘅墙壁，仲有深绿色嘅卡位，成件事怀旧到不得了。早餐拣咗叉烧公仔面配蛋治，叉烧有大约六块，相信系攞货返嚟，好彩处理得几好，温度同味道都正常（因为最怕食到冻冰冰嘅擦纸胶叉烧），面冇乜特别，汤唔会过咸，全份嘅蛋治，啱晒我填肚，蛋香虽然唔明显，但胜在面包够松软，正👍🏻怀旧嘅唔止呢间餐厅，亦系成条邨（同我老家九成似），怀旧真系要趁个「旧」仲喺度时就找紧时间去「怀」先得架。