九龍冰室

营业中

休息中

今日去开九龙湾做嘢，要揾嘢食都唔系咁容易，商贸区𠮶便，一到午饭时间，到到都好多人。今日食嘅呢间九龙冰室，门口一样有人排队，见唔驶等好耐，决定排一阵试吓啦。呢间餐厅嘅装修都几特别，里边有啲昔日香港嘅装修，不过座位来讲都几逼夹，食完亦都好快俾人赶走今日嘅午餐食咗个常餐，价钱$44连埋饮品。面拣咗煎猪扒面，猪扒叫做几入味，汤底可以拣忌廉鸡汤或者罗宋汤，今日拣咗忌廉鸡汤，不过其实冇咩味。炒蛋够滑，有蛋味，有蛋汁。火腿有细细块三角形两块，块多士够脆饮品冻饮要加$5 ，反而汽水唔使加钱，可以拣支装，可以拣罐装，支装太细知唔够饮，拣罐装算啰。