影片
更多
2011-06-06
222 浏览
大好嘅星期日，竟然要去听talk。报名时真系好想听，不过到咗当天又唔多想去，人就是这样。唯一嘅好处系可以同朋友去太平馆食晏。早一日已同朋友倾定去边度食，由于佢11点先开，而我地𠮶个时间又唔系break，加上友人话12点应该唔太多人，所以无订到位。一放lunch，我地就冲过去。都有少许人㖞，同埋间舖都几细，枱唔多。我地一行五人，坐唔落卡位，所以坐咗卡位隔离嘅四人枱再加多张櫈。一人点一样食物，瑞士鸡翼、瑞士牛河、咖哩牛腩饭、烚咸牛脷同鲜茄虾球饭。所有食物份量都几多，我地都食唔晒。不过呢度嘅阿叔服务态度真系好搞笑，卡位嘅客人(都系我地嘅fds不过分开坐)未点食物就每人有个餐包。相反，我地落完单都无包食，于是就问佢啦，佢话瑞士鸡翼先有包，但其实卡位嘅客人系无叫瑞士鸡翼啰。最后佢都有拎番包俾我地，但只得2个，2个包五个人分...瑞士鸡翼都有几多只㖞。鸡翼连鸡翼尖，唔食鸡翼尖嘅朋友或许食嘅时候有难度切走只尖。鸡翼只只都几肥美，上色均匀。瑞士汁浓味，又带甜，很香很入味，肉质好嫩滑。瑞士牛河very good~牛河颜色炒得均匀，瑞士汁刚好，唔会太杰。河粉质素好好，炒完之后都唔易碎，仲有点弹力，真系好食
唯一嘅好处系可以同朋友去太平馆食晏。早一日已同朋友倾定去边度食，由于佢11点先开，而我地𠮶个时间又唔系break，加上友人话12点应该唔太多人，所以无订到位。
一放lunch，我地就冲过去。都有少许人㖞，同埋间舖都几细，枱唔多。
我地一行五人，坐唔落卡位，所以坐咗卡位隔离嘅四人枱再加多张櫈。
一人点一样食物，瑞士鸡翼、瑞士牛河、咖哩牛腩饭、烚咸牛脷同鲜茄虾球饭。
所有食物份量都几多，我地都食唔晒。
不过呢度嘅阿叔服务态度真系好搞笑，卡位嘅客人(都系我地嘅fds不过分开坐)未点食物就每人有个餐包。
相反，我地落完单都无包食，于是就问佢啦，佢话瑞士鸡翼先有包，但其实卡位嘅客人系无叫瑞士鸡翼啰。最后佢都有拎番包俾我地，但只得2个，2个包五个人分...
瑞士鸡翼
都有几多只㖞。鸡翼连鸡翼尖，唔食鸡翼尖嘅朋友或许食嘅时候有难度切走只尖。
鸡翼只只都几肥美，上色均匀。
瑞士汁浓味，又带甜，很香很入味，肉质好嫩滑。
瑞士牛河very good~牛河颜色炒得均匀，瑞士汁刚好，唔会太杰。
河粉质素好好，炒完之后都唔易碎，仲有点弹力，真系好食。
甜甜嘅酱汁，又唔会炒得太肥㖞，碟底无咩油，难得的唔太oily~
牛肉就较逊色，嗱过，所以一定淋滑。
咖哩牛腩饭咖哩劲大兜，捞饭都捞唔晒。
有洋葱、薯仔、牛筋同牛腩。牛腩同牛筋好淋亦好入味。
不过咖哩味唔算特出，食唔出椰奶香，反而食到有麻辣味，奇怪。
烚咸牛脷卖相真系唔系个个人都受到。因为真系好raw，无任何献汁，白烚完就上枱，碟度仲有好多水。
四大片牛脷，切得厚厚的，牛脷爱好者会觉得好正。
咸味都几够，食多两、三旧会觉得几咸。不过牛脷质素甚佳，好正，部份系较稔，部份带点咬口，非常好吃！
鲜茄虾球饭呢个唔系招牌野，所以真系无咁好食。
饭炒底，有蛋丝，不过饭好淋，d饭唔系粒粒分明。
鲜茄都几多，juicy，我无试虾球。
食物质素不错，尤其系招牌菜。
不过环境同服务就一般。
张贴
