舊機場車仔麵

营业中

休息中

最近睇左电影《九龙城寨之围城》，咁啱今日出到启德用餐就遇到呢间叫做旧机场车仔面嘅餐厅。无论系餐厅壁画或头上嘅飞机装饰，都好似电影场景咁，重游历史一样。近年车仔面档似乎越来越少见，难得启德新区都有呢类选择。餐牌选择唔少，上至龙虾鲜鱼，下至传统嘅猪皮肠肚，任君选择。今次拣左口水鸡河粉，三𩠌面，加上小食猪皮拼大肠。另外饮品系怀旧嘅樽装可乐/忌廉。口水鸡份量足，酱料调味唔错，够香辣，加上嫩滑鸡肉，唔错三𩠌面餐，面底拣咗粗面，汤底辣度有得拣，今次拣咗bb辣，三𩠌则拣咗五香牛肚、柱侯牛腩同猪软骨。食肉兽对呢三味𩠌都颇满意，调味够入味。猪皮拼大肠份量比想像多，质素唔错，猪皮饱满，满满嘅胶原蛋白，口感爽弹；大肠都好惹味。如果嚟到启德，想试下车仔面，都系一个唔错嘅选择。