卓記

营业中

休息中

难得放假，一支公重游多年无去嘅坚尼地城，有地铁可达确实令旅程更方便，但就少咗坐巴士可以沿途望下旧建筑物嘅乐趣。卓记系我想试好耐但一直都未有食过嘅舖头，皆因佢每日营业只到下午3点。为咗避开午餐时嘅人潮，特意提早于正午12点到达。餐牌系用箱头笔写喺白板(?)上，亦有过咗胶用颜色A4纸印嘅底面两页餐牌。舖愿供应十几款粥、即制有馅肠粉、油器同炒粉面。我叫咗艇仔粥同炸両，盛惠$23，好抵食。艇仔粥系儿时味道，碎牛份量都算多，而且仲系用炸过嘅米粉包住再放入粥底，猪皮同水鱿都有好多，不过碗粥就比较淡。炸両就略嫌条油炸鬼漏晒气，咬落去好韧，而且啱啱上枱时都只系微暖，一啲都唔热。事头婆好殷勤，又问我要唔要胡椒粉或者甜/辣酱点炸襾。当日见倒唔少熟客同事头婆倾计，呢种感觉系连锁店永远都做唔倒嘅。