東海酒家 (已結業)

东海酒家嘅鲗鱼涌分店位置于太古坊嘅商厦地段。系6月2日鲗鱼涌分店以全新面貌强势登场。装修风格取材于水墨画、怀旧茶居作灵感。东海呈现60-80年代食到嘅怀旧点心同怀旧手工菜。古法金钱鸡其实系无鸡肉系入面，顶层有鸡肝、猪肉、肥猪肉、再放饼在底层。由于制作工序繁复, 已经无咩地方可以食到。姜芽皮蛋酥：加入了酸姜后，综和番皮蛋、莲蓉嘅油腻感觉，同时带点辛感。虾籽柚皮：同样都系好费时考功夫嘅传统粤菜。大厨表示将柚皮浸水数小时后，再以上汤焖煮8小时炮制而成。入口即溶，味浓回甘。话梅猪手：食落甜甜酸酸，肉质软稔多肉。最适合闷热嘅夏天食用。沙律明虾角可以讲得上我最爱嘅点心。馅料有大大粒虾仁、西芹、甘笋粒，劳到金黄香脆，口感非常丰富。虾多士而家都唔系甘容易可以食到，同样都炸到金黄酥脆。大良炒鲜奶：奶味唔算好浓，但虾仁配料超足，啖啖都满足。怀旧千层峰主材料就只有猪耳，口感爽脆，层次分明。