影片
更多
2022-06-17
669 浏览
🚩红葱头以前读书嘅时候我都成日嚟红磡呢一头，不过通常都喺学校食嘢就算好少会黎到火车站呢边食嘢～见东铁过海真的很兴奋，放工就同朋友过嚟睇吓系咪真系咁兴奋，顺便可以搭九家姐返屋企～餐厅位置都几方便，不过灯光就比较昏暗，似系旧式嘅𠮶种扒房，价格都几实惠㗎😆〰️〰️〰️〰️〰️〰️〰️〰️〰️〰️〰️〰️〰️〰️〰️🌈二人套餐B $248✨南瓜忌廉汤配蒜蓉包呢款南瓜汤唔似我哋出面饮嘅南瓜汤咁橙色，佢比较偏喺加咗好多忌廉落去，啱晒唔钟意南瓜味咁重嘅我！而且佢嘅蒜蓉包烘得好香脆，牛油味都好足✨西冷牛扒牛扒我哋叫咗七成熟，上枱嘅时候系偏生嘅，但切好嘅时候就啱啱好七成啦😆啲肉一啲都唔难咬！薯条份量都好多，而且摆埋咗一边唔会整到林啤啤～✨香草忌廉龙利柳饭呢款饭嘅味道就比较偏淡，啱晒啲唔钟意太浓味嘅人，食完都唔会觉得好Heavy～鱼肉唔会松散，调味亦都啱啱好！不过饭就比较硬身，要捞多啲啲汁食～✨热情玫瑰 +$16佢系热情果加玫瑰花茶～ 搅匀佢之后热情果味好出 一路食饭一路饮住佢 酸酸甜甜好消滞 唔想成日饮咖啡或者柠檬茶可以试吓佢～✨自家制心太软 +$19加$19就可以转心太软真系好抵，虽然佢唔系好大件，不过食完饭食就啱啱好！心太软焗到
以前读书嘅时候我都成日嚟红磡呢一头，不过通常都喺学校食嘢就算好少会黎到火车站呢边食嘢～见东铁过海真的很兴奋，放工就同朋友过嚟睇吓系咪真系咁兴奋，顺便可以搭九家姐返屋企～餐厅位置都几方便，不过灯光就比较昏暗，似系旧式嘅𠮶种扒房，价格都几实惠㗎😆
〰️〰️〰️〰️〰️〰️〰️〰️〰️〰️〰️〰️〰️〰️〰️
🌈二人套餐B $248
✨南瓜忌廉汤配蒜蓉包
呢款南瓜汤唔似我哋出面饮嘅南瓜汤咁橙色，佢比较偏喺加咗好多忌廉落去，啱晒唔钟意南瓜味咁重嘅我！而且佢嘅蒜蓉包烘得好香脆，牛油味都好足
✨西冷牛扒
牛扒我哋叫咗七成熟，上枱嘅时候系偏生嘅，但切好嘅时候就啱啱好七成啦😆啲肉一啲都唔难咬！薯条份量都好多，而且摆埋咗一边唔会整到林啤啤～
✨香草忌廉龙利柳饭
呢款饭嘅味道就比较偏淡，啱晒啲唔钟意太浓味嘅人，食完都唔会觉得好Heavy～鱼肉唔会松散，调味亦都啱啱好！不过饭就比较硬身，要捞多啲啲汁食～
✨热情玫瑰 +$16
佢系热情果加玫瑰花茶～ 搅匀佢之后热情果味好出 一路食饭一路饮住佢 酸酸甜甜好消滞 唔想成日饮咖啡或者柠檬茶可以试吓佢～
✨自家制心太软 +$19
加$19就可以转心太软真系好抵，虽然佢唔系好大件，不过食完饭食就啱啱好！心太软焗到外脆内软，流心效果做得好好～甜度都啱啱好，食晒一个都唔会话好济
🌈铁板一口牛 $48
系超级淋身嘅一口牛，而且配咗蒜片，夹住一齐食好好食～佢嘅汁系甜甜地，似系日本嘅烧汁～薯蓉亦都吸晒啲汁，劲快清晒
张贴
