牛屋餐廳

营业中

休息中

🤤怀旧扒房🥩🐮男朋友好钟意食牛，咁岩经过佐敦见到一间内笼好旧式风味嘅扒房，就入去试试。餐厅里面虽然地方比较细小狭窄，但系服务态度唔错👍🏻都会主动帮手移位，我地去得夜又食得慢，都俾我地慢慢食完先走。食物方面，我地就叫左个「招牌法式焗田螺」，薯蓉味道浓郁，好重牛油味，田螺口感柔嫩，容易咀嚼，真心推介大家去试下✨而牛扒方面，我男朋友就叫左个「美国一级安格斯西冷」，呢个味道口感就麻麻，肉质太淋，而且牛味唔重，唔太推介。我就叫左佢地个「招牌威灵顿牛扒」，果然系招牌菜！外面层酥皮松软，里面口感丰富，牛扒牛味重又带点骚，鸭肝酱味浓，好好食！！另外最估唔到系，佢哋调剂嘅酱汁味道好好，蒜蓉汁蒜味香浓，威灵顿牛扒嘅汁酱味道好似红酒烩牛柳嘅味道👅配菜份量亦可以自己拣，有多、少、正常份量拣，唔怕唔够饱。