影片
更多
2019-05-30
410 浏览
是日又黎到大埔做野，收工肚仔饿，觅食中行到呢间位于街角嘅拉面店，见到座无虚席，应该唔伏，就同同事试一试。等左两个字左右有客人走左我地就入座啦～店舖装修都好日式，位置唔算多但系座位阔落。佢一路播住啲日文歌原来系用黑胶唱片机播㗎！即刻怀旧十倍！餐牌总共有三款拉面，但其实店舖两边墙上都有一啲季节限定嘅拉面，我通常试新嘅拉面店都会食佢嘅传统拉面，姐系豚骨原味拉面，因为食原味先知佢哋嘅功架嘛～除左拉面，仲有好多唔同小食。拉面到～由于我走咗葱所以望落去色水争咁啲，不过俾果半只温泉蛋搭救左！一黎梗系饮啖汤先啦～汤嘅味道唔会好咸，有浓浓嘅猪骨味，应该系功夫汤黎。个豚肉系烧到啱啱好，有少少碳烧味同埋佢个皮系烟烟韧韧㗎，肥瘦均匀肉味浓。温泉蛋咸香咸香咁，好味！我哋另外嗌咗个厚烧芝士玉子，个玉子好厚身同埋外脆内软，值得一试。不过记得趁热食~值得一讲嘅系侍应服务态度好好，成日都会主动帮手斟水，我哋食到一半嘅时候佢仲主动拎左一个佢哋自己炒嘅辣芽菜俾我哋试，又几好味㖞！不过有少少辣，唔食得辣嘅朋友仔就试少少好啦～总括黎讲，呢间拉面嘅质素唔错，下次可以再试下其他季节限定拉面。P.S. 即场打卡会有九折优惠，我见个个
等左两个字左右有客人走左我地就入座啦～店舖装修都好日式，位置唔算多但系座位阔落。佢一路播住啲日文歌原来系用黑胶唱片机播㗎！即刻怀旧十倍！
餐牌总共有三款拉面，但其实店舖两边墙上都有一啲季节限定嘅拉面，我通常试新嘅拉面店都会食佢嘅传统拉面，姐系豚骨原味拉面，因为食原味先知佢哋嘅功架嘛～
除左拉面，仲有好多唔同小食。
拉面到～由于我走咗葱所以望落去色水争咁啲，不过俾果半只温泉蛋搭救左！
豚骨原味拉面
$75
16 浏览
0 赞好
0 留言
一黎梗系饮啖汤先啦～汤嘅味道唔会好咸，有浓浓嘅猪骨味，应该系功夫汤黎。个豚肉系烧到啱啱好，有少少碳烧味同埋佢个皮系烟烟韧韧㗎，肥瘦均匀肉味浓。温泉蛋咸香咸香咁，好味！
我哋另外嗌咗个厚烧芝士玉子，个玉子好厚身同埋外脆内软，值得一试。不过记得趁热食~
厚烧芝士玉子
$28
50 浏览
0 赞好
0 留言
总括黎讲，呢间拉面嘅质素唔错，下次可以再试下其他季节限定拉面。P.S. 即场打卡会有九折优惠，我见个个都会做，所以我地都..无谓同钱作对呀嘛～
张贴
