高興+ (已結業)

今次lunch去咗依间餐厅食。环境很不错。行怀旧风。叫咗个鸡扒烟肉蒜茸汁饭。个汁唔系太重蒜茸味。唔会太咸都可以。鸡扒大大块啖啖肉。皮都煎到脆卜卜。味道普普通通啦。反而烟肉个味又几好㖞。烟肉最怕死咸。佢又唔会。好香口。蔬菜𠮶啲唔讲啦。无人想知啲菜正唔正。饮品竟然有怀旧樽装维他奶。真系唔系度度有。虽然Mingorr系属于盒装维他奶年代。但都有种莫名嘅怀念。仲可以拣热。养生一族啱晒。总结食物质素一般茶餐厅水准啦。同埋都略贵。系有怀旧嘢饮同装修加分啦。