滿天星 (已結業)

近排与怀旧，歌都有得你唱啦：「怀旧既是我优点...」今日嚟到铜锣湾嘅满天星，餐厅每逢星期四、五、六晚上六点半后都有驻场live band，歌曲以港式情怀为主，怀旧得嚟又耳熟能详，如果你兴致大发，仲可以上台一齐jam歌添！至于餐厅除左live band，餐厅仲设有室外位置，并以西餐为主打，适合大家轻松享受晚餐。美国牛肉芝士汉堡配烟肉，煎蛋，大啡菇及薯条牛肉汉堡加芝士同蕃茄生菜系经典嘅组合，而满天星嘅美国牛肉芝士汉堡仲加上煎蛋、烟肉、大啡菇。流心嘅蛋汁融入本已充满肉汁嘅牛肉汉堡当中，邪恶得嚟令人相当满足呀！香煎三文鱼柳配意大利米饼及蕃茄忌廉汁今次嘅三文鱼柳配搭米饼非常新鲜。而蕃茄忌廉汁感觉醒胃，三文鱼煎得恰到好处，保持到鱼肉嘅鲜嫩。三文鱼鱼油融入香脆嘅米饼后，令每啖饭焦都有鱼油香，相当吸引。