上海榮華川菜館

营业中

休息中

喺观塘街市出出入入, 成日经过都好好奇呢间餐厅, 今日终于可以一试喇! 好钟意呢类怀旧冰室格局的餐厅, 不像商场餐厅般冷冰冰。墙上好多相同画, 见到旧日观塘样貌都几得意。叫了个两𩠌一汤餐 ($258), 我地两个大人一个小朋友都食唔晒哦, 呢个价钱抵食!蒜泥白肉, 蒜砌得好碎, 真系蒜泥, 做法无平时煮法咁落好多辣油, 无咁油腻。五花腩肥瘦均匀, 辣味好香, 太太就略嫌辣。糖醋排骨, 呢个必食, 叫碟唔辣的比小朋友食, 点知佢差不多食晒成碟, 佢个芡汁颜色味道炒得好靓, 酸酸甜甜送饭一流。云吞鸡, 鸡汤足料入味, 大大件鸡上碟上台, 一啲都唔孤寒, 云吞饱满, 呀仔都饮咗两碗, 不过最后都真系太饱食唔晒, 好抵食!!八宝茶, 茶有惊喜, 清甜回甘, 足料有八样材料, 可食可饮, 食到饱饱立刻消济。