飛鷹餐廳

营业中

休息中

行咗嚟呢间怀旧港式扒房食晏，坐巴士经过，但一直未有机会一尝。个门口已经感受到果种旧式扒房嘅感觉，一入到去发现灯光系比较暗，而且啲枱都比较迫，不过其实唔满座，但就迫我哋2个女仔坐喺个隔离系摆杂物嘅边位到，仲要行都行唔到入个位到，但明明无人，问佢可唔可以转，佢话唔得，后来有2人入黎又可以坐返正常位，唉。未食已经唔开心又唔开胃。🤦🏼‍♀️🤢另外，个冷气有时冻到攞命😵。我哋都叫左午餐(蒜蓉牛扒餐)食，价钱系几抵嘅有汤有包有嘢饮，嚿扒就可以拣配饭/意粉/薯菜，都只系承惠$39。后来发现有其他餐都系$5x嘅水平，但铁板餐就要成嚿水。我要个白汤唔系好热亦都好淡，但个餐包🥯就几松软而且仲好大个！到牛扒🥩喇，个份量都ok(对男仔嚟讲可能未必)，味道唔差，唔算太薄，不过口味都系接近茶记果种，但个蒜蓉酱几惹味嘅，薯条都唔错。我觉得咁嘅价钱完全收货啦👍🏻。但除咗价钱同食物合格外，啲侍应态度好差，落单时又无反应，上嘢饮时又chok到杯嘢饮泻哂😑😑😑。总括嚟讲，呢区咁多嘢食，我真系未必会再返嚟食。