金鳳大餐廳 (山林道)

营业中

休息中

之前同老公讲起好想锯扒，佢就提议我去港式扒房金凤。我今次第一次食，感觉唔错。跟餐包餐包同餐饮，餐包送上黎系暖的，好惊喜！我同老公叫左一红汤一白汤。红汤味道较浓，亦都好足料。我叫左牛小排餐，老公叫左肉眼扒餐。我个人就钟意牛小排多d，无肥膏，又啖啖肉，好正！牛扒大份，再伴d薯菜，食到好饱，好满足！老公的肉眼扒偏肥，不过落单的时候，待应都有解释过肉眼扒要有d肥膏同油脂先好味。佢有得拣蒜蓉汁或者黑淑汁。我同老公一人叫左一款，两只都好香浓！饮品当然要拣d特别的港式饮品！我拣左鸳鸯，老公就加钱升级左就特饮，拣左红牛。本是利宾纳配士多啤梨雪糕。但因士多啤梨雪糕卖完，就换左芒果雪糕。饮品配雪糕，感觉好有港式风味。整体黎讲，食物价钱合理，食到好饱，下次会再黎。