炊豕店 (威靈頓街) (已結業)

之前朋友推介过几次炊豕店，话呢度既炸猪排饭好食，今次有时间就黎试下。舖头装修到好似70 80年代香港风格，店入面播怀旧金曲，好多都系我细细个听过既歌。我地叫左一个凉拌大豆芽，一个秘制猪排饭加肉燥汁，同一个冲绳猪软骨饭。凉拌大豆芽食落去酸酸地，仲有加左豆卜入去，夏天食特别开胃。猪排饭一眼望落去都见唔到白饭，块猪扒大到同个碗一样size。一开始以为炸猪扒应该会好多油，但系呢一个炸猪扒食落去一啲都唔油腻，炸得仲好松脆，搞到我同朋友都忍唔住食多啲。另外个冲绳猪软骨饭，啲猪软骨煮得好软，仲好入味。中环黎讲呢一间铺头嘅价钱比较公道，而且食物质素都好好，下次一定会再嚟帮衬！