影片
更多
2021-10-05
217 浏览
周末同屋企人响湾仔附近行街，夜晚屋企人话想试下D旧式大排档，怼下大啤酒，跟住我就上网帮手揾下附近有咩正嘅大排档，search下见到一间个名叫大饭店嘅餐厅，单听个名已经feel到系行怀旧路线，而且从相黎睇布置非常吸引，心念老一辈嘅屋企人实会好中意。呢间大饭店其实就系铜锣湾同湾仔港铁站中间，出咗地铁站，大概路程10分钟左右，但只系一条直路，唔算难揾，系一栋大厦嘅7楼。入到大饭店，真系眼前一亮，好似穿越翻到去就香港，D布景好有心思，有赌场、麻雀馆、桑拿房等等，可能我自己唔系出生系呢个年度，呢D旧式场景E加香港真系好难揾到，我净系响香港80年代或90年代嘅电影入面见到，我嘅屋企人就当然超级兴奋，话好怀念以前旧香港嘅味道。讲翻野食方面，呢度火锅汤底有好多可以选择，我近排可能个人有少少热气，就捡咗豆腐清汤，清淡D都更加可以食到食材嘅原汁原味,火锅食材上就海鲜、肉类同蔬菜基本上都好齐全，比较令我感兴趣嘅位系除咗D大路来货料，都好多手工制作嘅食物，睇得出餐厅响食物出品同创新方面都有一定要求。打边炉点除左汤底紧要，个酱都系一大关键，呢到用黎沟酱油又唔系花生用或者麻油，居然系自己提炼嘅葱油，呢个认真超级大
呢间大饭店其实就系铜锣湾同湾仔港铁站中间，出咗地铁站，大概路程10分钟左右，但只系一条直路，唔算难揾，系一栋大厦嘅7楼。入到大饭店，真系眼前一亮，好似穿越翻到去就香港，D布景好有心思，有赌场、麻雀馆、桑拿房等等，可能我自己唔系出生系呢个年度，呢D旧式场景E加香港真系好难揾到，我净系响香港80年代或90年代嘅电影入面见到，我嘅屋企人就当然超级兴奋，话好怀念以前旧香港嘅味道。
讲翻野食方面，呢度火锅汤底有好多可以选择，我近排可能个人有少少热气，就捡咗豆腐清汤，清淡D都更加可以食到食材嘅原汁原味,火锅食材上就海鲜、肉类同蔬菜基本上都好齐全，比较令我感兴趣嘅位系除咗D大路来货料，都好多手工制作嘅食物，睇得出餐厅响食物出品同创新方面都有一定要求。
打边炉点除左汤底紧要，个酱都系一大关键，呢到用黎沟酱油又唔系花生用或者麻油，居然系自己提炼嘅葱油，呢个认真超级大惊喜，我打边炉咁多年都系第一次用葱油做酱，葱已经炸到颜色好深，应该D味道都炸咗落晒D油到，可以话系边炉绝配，起到一个增香嘅效果，葱油香味极浓，可以话任何食材点一点呢个葱油都加分唔少，我超中意食。
果然D自家制野就最有特色亦都最好食，我觉得最好味就系手打牛筋丸同芝士虾丸，手打牛筋丸唔算大粒，亦都唔系主打弹牙，而系走另一条路线，其实好多出面食到嘅牛筋丸都系得个爽口，味道欠缺，但呢度嘅唔同，牛肉味同牛油香味都好够，响口腔入面爆炸，好香口，好美味，感觉食紧口感好正嘅上等牛肉咁；而虾丸个特别位就系做个细致，唔系简单咁外面虾肉，包住中间嘅芝士呢种出面经常出现嘅做法，而系细细粒，入面D芝士唔多，但系比较平均分布响虾肉入面，可虾丸融为一体，食起身先系食到虾肉嘅鲜甜味，再系芝士淡淡嘅奶香味增香，整体感觉有层次得黎又更融合。至于其他食材，就都算几新鲜，无乜雪藏野，水准都同类火锅店黎讲，出品算唔错。
呢间大饭店呢好多手工制作嘅食材真系睇得出有花心思，唔系为创新而创新，值得一赞。我地一家人都食得好开心，勾起晒我屋企人对旧香港嘅情感同回忆，成餐饭，老一辈嘅屋企人都系咁同我分享以前嘅“威水史”，睇得出佢地真系好享受呢一餐晚饭。
张贴
