海傍陳記 (已結業)

难得有一日可以早放，约左个fd黎西环想揾下野食啦。行行下见到呢间铺好有怀旧气息，无论墙 枱定系椅都系有8 90年代果时嘅感觉。入到去坐低，即使我地得两个人，都好似好耐冇食野咁叫左好多。首先叫左碗碗仔翅，一黎到就睇到佢用嘅碗系上一辈好兴嘅鸡公碗。呢碗只系十几蚊嘅翅可以咁大碗真系好难揾。味道就唔算好出色，都叫做正正常常咁啦!之后再黎一碟斋肠，我个人就唔太钟意甜酱麻酱，但系净用豉油都好好味，肠粉好滑。咖哩三宝，佢d咖哩系好茶记feel嘅咖哩，港式咖哩。鱼蛋唔算好弹牙，不过过得去啦。食得鱼蛋冇理由唔食埋烧卖加嘛，我地叫左个xo酱烧卖。佢d烧卖全部都炸过嘅，好脆，加埋xo酱几好食。我地见冇主食就叫左个沙爹猪颈肉捞公仔面，捞起身都ok嘅，但略嫌普通，可能下次试下鸡 猪会好d。最尾我地叫左个猪扒包，佢嘅猪扒包好好食，岩岩焗起个包好脆，块芝士系冻住咁放上去，黎到嘅时候都仲未溶，可以系食嘅时候等佢溶，块猪扒够味岩岩煎嘅。呢样野好值得推介。到最尾我地两个要抱住个胃咁走，但系其实佢价钱唔算太贵。系好满足嘅，忙完一轮之后有得咁开心咁尽情食野系好难得架，下次一定要再去食多次。