新園興記燒臘飯店 (已結業)

呢间新园兴烧味，可以话系由我懂事以黎，已经见到佢😄睇到佢嘅装修，已经知佢历史悠久，我最爱就系佢个⭐️油鸡濑粉⭐️，由佢10几蚊一碗，食到今时今日嘅$38！呢度可以话系冇乜服务可言，喺度堂食，店员唔会俾你问多两句，如果你叫嘅系叉烧，想问佢攞姜蓉？No way😅！佢会直接答你 有油鸡或切鸡先会配俾你😅讲返点解我咁爱呢度嘅⭐️油鸡濑先～佢嘅油鸡非常之嫩滑，就算系鸡胸位都好有水准，个皮唔会好似外面嘅油鸡咁深色，但系又非常之够味，甜豉油嘅比例啱啱好！而且系用上幼身嘅濑粉，即叫即煮，所以口感好好！希望佢一路都保持呢个水准，等我可以间中都食下😋