武士拉麵 (已結業)

尖沙咀都有唔少拉面舖，一般都比较难做到特色。呢间嘅特色就系有怀旧风味，位置喺佐敦站同尖沙咀站中间左右，唔系大路，所以普通人可能会唔识嚟。拉面舖环境装修简单，冇花巧，令人更加注重食物嘅味道。拉面有10款，以唔同嘅将军命名。另外可以喺面条、面质同埋汤底方面选择，亦都可以交俾师傅拍板。我点左酱油拉面，觉得个汤系重点，精心熬制，非常香浓但系又唔算好咸，另外再有蛋、紫菜等等嘅配料，份量都唔少，价钱系$88。朋友点左香葱油拉面。葱嘅份量都好多，铺满拉面上面，卖相都唔错。朋友连个汤都饮晒添。香葱油拉面相对就贵少少$99，但系都算系值得。见到有其他食客有同个店员倾吓计，比较casual嘅一间餐厅，应该有唔少老熟客。