中環茶記 (已結業)

老公好得意，佢钟意食茶餐厅多过高级西餐，可能因为够贴地，食得舒服自在。但成日食茶餐厅，我会觉得闷，所以我成日发掘各区嘅特色茶记。中环茶记畀我感觉就系高档有特色嘅茶餐厅，环境冇一般茶餐厅咁迫夹，装修有心思，有怀旧气氛。食物方面，餐厅选择丰富，而且水准高，大家都食得好满意。老公就食铁板餐牛柳拼大虾，女女就有激邪恶嘅咸蛋流心西多士，同埋柚子可乐鸡翼。我就钟意食清清地，叫左上汤浸菜同碧绿炉鱼，即系鲈鱼片炒西兰花。我最钟意食鱼，鲈鱼片爽滑，食得出好新鲜。食饱饱先见到原来餐厅有牛油果流心多士，我系牛油果控，下次一定要再来试！