阿肥火鍋 (已結業)

去到餐厅门口见到门面唔大，以为入面都会系细细间舖咁，点知原来落咗楼梯之后，入面都好大，仲有好多古旧年代嘅装修。餐具都系用怀旧款式，系最classic嘅鸡公碗碟。打边炉之前叫咗D小食，沙姜鸡脚，口感爽脆，食少少开下胃先。点了麻辣拼鲜茄虾汤锅，麻辣开始时都唔算太辣，但系越煲越辣，好彩有另一款汤去渌菜，唔系D菜就食都食唔到啦。点了牛皇拼盘，几样牛肉入面手切肥牛比较好味，肉质嫩口。牛柳粒就失色咗，渌完比较硬，可能系我地煮得太耐啦。 其他四宝丸、生根、豆腐、生菜等配料质素都好好。餐厅除咗装修花心思之外，选取食材都有用心。