生記飯店

营业中

休息中

友人们相约饭局，想食经典的中菜，所以就拣咗呢间刚搬往上址的传统老店——生记饭店。幸好之前有预订座位，即使今天是星期二，已经没有Walk in，全店满座。实而不华的装修，旧式酒楼的味道，是完全想像不到，这是连续10年米芝莲的推介食店。蒜香九肚鱼做前菜，好似大排档的椒盐九肚鱼，新鲜炸完即上枱，外脆内软，热辣辣有软骨但好安全，不会哽喉。第二道菜名为即烧BB猪因为点了例牌份量，所以只得6片，真系少食多滋味，猪味浓郁，外皮脆，少油脂，没有油腻感，只是每人得一片，少了一点。跟住上枱嘅就系红烧妙龄乳鸽叫得乳鸽就一定系小鸽，仲要妙龄，就知道佢有几嫩滑。冇试佢嘅例汤，反而叫咗个韭黄瑶柱鱼肚羹。用料足，冇味精，加少许胡椒粉，十足滋味。之后有原个砂煲上既砵酒焗蟮球，大大嚿啖啖肉，又冇骨，有姜葱炒过，送饭一流。跟住黎一碟小食，怀旧虾多士。热辣辣脆卜卜，完全零油腻感，大虾弹牙，同面包简直系绝配。最后，再来多一碟家传手艺生煎莲藕饼。食落去，好有细过妈妈亲手烹调嘅感觉，一块系大到可以送返一碗白饭。要多碟清清地既山根炆豆腐。已经肚饱饱，热情嘅伙计，仲要喺埋单后送上一碟白糖糕，将整个怀旧香港dinner升华到顶点。嚟紧