影片
更多
2022-09-28
1016 浏览
趁住放假，好努力咁去食😂家人一知道我放假，就不停有想去嘅餐厅😂今次黎到太平馆餐厅。如果想订位，就要中午12点前，中午12点后一律 walk in，下午茶就晏昼2:45开始。我哋book咗11:50😌我哋叫咗3份午餐一齐 share 食，全部午餐都有餐包、汤或沙律，同一杯餐饮。葡汁焗四蔬饭 ($74)蔬菜全部大大件，唔会好碎。饭系另上，唔会同葡汁放埋一齐焗。砵酒焗牛脷饭 ($88)一黎到就闻到好香，而且每件牛脷都大片，份量铺满饭面🍚唯一就系饭系铺底，所以个汁浸到个饭有啲湿，汁捞饭嘅感觉。太平馆瑞士汁干炒牛河 ($92)系餐厅出名嘅食物之一，难得黎到，一定要叫。见到个卖相时，个瑞士汁好似浆糊咁铺系面，未食嘅时候，以为打芡重手咗。但当捞埋嘅时候，就啱啱好👍🏻味道偏甜，落单嘅时候，职员已经介绍过。总括来说，所有食物都好浓味，连餐汤都好咸。梳乎厘似乎都系必试，但实在太饱🤦🏻♀️餐饮我哋叫咗咖啡，系即磨咖啡，好香浓，饮完有阵淡淡嘅回甘，唔会酸❤️食到一半嘅时候，听到隔离枱叫『岑味牛脷』。家人见我一脸疑惑，就解释俾我知背后嘅故事😂餐厅系一间好有历史嘅餐厅，有好多老顾客黎食饭，12点后有一、两张空枱，但
家人一知道我放假，就不停有想去嘅餐厅😂
今次黎到太平馆餐厅。
如果想订位，就要中午12点前，中午12点后一律 walk in，下午茶就晏昼2:45开始。
我哋book咗11:50😌
我哋叫咗3份午餐一齐 share 食，全部午餐都有餐包、汤或沙律，同一杯餐饮。
葡汁焗四蔬饭 ($74)
蔬菜全部大大件，唔会好碎。
饭系另上，唔会同葡汁放埋一齐焗。
砵酒焗牛脷饭 ($88)
一黎到就闻到好香，而且每件牛脷都大片，份量铺满饭面🍚
唯一就系饭系铺底，所以个汁浸到个饭有啲湿，汁捞饭嘅感觉。
太平馆瑞士汁干炒牛河 ($92)
系餐厅出名嘅食物之一，难得黎到，一定要叫。
见到个卖相时，个瑞士汁好似浆糊咁铺系面，未食嘅时候，以为打芡重手咗。但当捞埋嘅时候，就啱啱好👍🏻
味道偏甜，落单嘅时候，职员已经介绍过。
总括来说，所有食物都好浓味，连餐汤都好咸。梳乎厘似乎都系必试，但实在太饱🤦🏻♀️
餐饮我哋叫咗咖啡，系即磨咖啡，好香浓，饮完有阵淡淡嘅回甘，唔会酸❤️
食到一半嘅时候，听到隔离枱叫『岑味牛脷』。家人见我一脸疑惑，就解释俾我知背后嘅故事😂
餐厅系一间好有历史嘅餐厅，有好多老顾客黎食饭，12点后有一、两张空枱，但有客人想walk in，职员就话无位🤔，应该系留枱俾老顾客吧。
餐厅同某啲老店一样，职员讲嘢比较大声，有时会觉得粗声粗气，但我相信哩个都系老店嘅文化。如果大家有机会，可以黎试下，感受一下餐厅嘅风味。
张贴
